Inge cane kede two pi mwaki aromo adek twal labongo tic pi lwak mere me Kawempe North, Muhammad Ssegirinya dong otoo woko.
En otoo ki mwaka 37 iceng Angwen cawa Abicel me odiko iot yat Lubaga ame tye iboma Kampala.
Acalo bulu mayot, Muhammed Ssegirinya odongyo itela imwaka 9 okato angec acalo akanycilla i City Hall (Kampala Capital City Authority) pi lwak me Kawempe North ikine mwaka 2016 naka i mwaka 2021.
Imwaka 2021, Ssegirinya ocung me bedo amemba me palamen pi lwak me Kawempe North te lanyo joo 9 kulu iyera me mwaka naca.
Lucungu ma en olanyo gi ikine obedo Abdulatif Ssebagala Ssengendo kede alub kor mayor macon, Sulaiman Kidandala.
Akadi kono ni neno mere obedo dit pi lwak me Kawempe North inge yer me 2021, Ssegirinya kede Allan Ssewanyana me Makindye West pe obedo ki kare me tic pi lwak ma oyero gi inge amako ma otime ikom gi idwe me 9 imwaka 2021.
Gamente obin omako gi padot me temo turu gamente kede dong gen me bedo kicing inek alit ame bin timere Masaka.
Piman, omemba aryo ni pi mwaki aryo obedo ite gwok pa abili kede otela me prijon.
Ento ki gum marac inge gonyo gi, yoro kom MP Ssegirinya obedo adwong waa oo ito mere otime iceng Angwen.
Cwee cwiny alit oguru kema me National Unity Platform, Palamen karacel ki lobo Uganda malube ki kwena alit woki.
Amut me akwokwong ma kwako to pa MP Ssegirinya obino okati ki bot lwak acok kede kun lacen otela me Otyat Lubaga kwero kwena man.
Inge cawa maromo acel, otela me Otyat Lubaga atir atir dong tekati kede kwena ma kwako too pa MP Muhammad Ssegirinya ma guwaco ni otime cawa 12:30 pm.
Palamen ongeo too mere
Idoro ot gure me Palamen iceng Angwen me nino dwe 9, 1, 2025, ador ot Annet Anita Among karacel ki omemba me Palamen onyutu woro gi inge ador ot Anita Among kwano waraga me can ma oaa ki bot otela me Otyat Lubaga.
Atela adit me pati me National Unity Platform, Robert Kyagulanyi Ssentamu okoko Ssegirinya gun moko me miyo cwak oromo me neno ni okano kom Ssegirinya ki woro.
Woro me agiki bot lyeli Ssegirinya abedo i Palamen iceng Abic ka dong okemo ot lega me Mbogo Mosque matye i Kawempe Division kun otyeko kede yik ma abedo i Masaka iceng Cabit me nino dwe 12, 1, 2025.
Ssegirinya otoo ki mwaki 37 dok en onywale imwaka 1988 iwangtic me Butale, Kadugala, Masaka district.
Discover more from tndNews, Uganda
Subscribe to get the latest posts sent to your email.