Lira | Okristo irwom gi apapat iceng Adek, nino dwe 25, idwe me Apar aryo (December) obin ogure gini i Uganda Martyr’s Cathedral, Lira Diocese kun jolo alar wa Yesu Kristo.
Jolo Yesu Kristo obedo omede i misa maleng me aryo kun wi kop adit nwo tye ni: “Ci kop odoko dano.”
Okristo ojolo Kwan me acel kede aryo i buk a profeta Icaya kede mea i Eburania yore i yore.
Kwan oya i Buk acil imalo no otiti Okristo ni ikin lobo ducu obino neno gini lare pa Obanga acalo en bino lok nibeo ibot wode Yesu Kristo.
Kwan magi bene omede itito ni Obanga ocimo wode Yesu Kristo me bedo ki twero ijami duc atye i lobo kan.
Kwano evanjili acil bot Okristo oya ibuka Lakana 1:1-18, kun Padi Dr. Robert Omara tito ni Yesu Kristo obedo tara acil ame kwanyo bala joo ducu ka wan odoto bal wa.
Padi omede ni kop aya ibot Obanga obedo kom Yesu Kristo ame tye i akina Okristo ikare duc, dok teko mere loo jami duc ame en ocweo ilobo.
En omede ni nywale alar wa Yesu Kristo obedo me kelo agiki acol ping ame lwak beo iye kare kede kare. Dong piman, en okwao Okristo me gonye, kwyao kica kede ngut ikom bal gi me wek cwiny gi dong acil me jolo Yesu Kristo.
Ilokere kede Okristo ame wel gi nwo pol, Episkopi me Lira Diocese, Rt. Rev. Sanctus Lino Wanok opoyo wii Okristo pi kwera me “The Year of Jubilee” ame bedo inge mwaki pyera aryo wia abic (25) ite dini me Katolika.
En otito ni pen kop me kwera man ame abedo iceng cabit, nino dwe 29/12/2024, tye ni “The Pilgrims of Hope”, te mede ni misa acil Icengcabit abedo ka acel keken cawa angwen iyi ikilizia me Lira Cathedral.
Kwera man, Episkopi okobo ni acakere kede weno mere cawa acel me odiko iyi Adyel St. Daniel Comboni Eucharistic Center.
Iceng aryo me nino dwe 24/12/1/2024, Pope Francis oyabo atir atir dogola acil me Ikilizia me St. Peter’s Basilica, Rome, acalo tekwaro acel ite dini Katolica.
Itekwaro me dini Katolika, kwera man otye alwongo ni “The Catholic Church’s 2025 Jubilee Year”.
Tekwaro man bino wot pi mwaka acel twal kun cakere inino dwe 29/12/2024 naka inino dwe 6/01/2026.
Discover more from tndNews, Uganda
Subscribe to get the latest posts sent to your email.